ಜನಮೆಚ್ಚುವ ಕೆಲಸ ಮಾಡಿದ ಸ್ಮೃತಿ ಇರಾನಿ!! ಸೋಲಿನ ಸುಳಿಯಲ್ಲಿ ರಾಹುಲ್ ಗಾಂಧಿ

ಅಮೇಠಿಯಲ್ಲಿ ರಾಹುಲ್ ಗಾಂಧಿ ವಿರುದ್ಧ ಕಣಕ್ಕಿಳಿದು, ಭರ್ಜರಿ ಪ್ರಚಾರ ಮಾಡುತ್ತಿರುವ ಬಿಜೆಪಿ ಅಭ್ಯರ್ಥಿ ಸ್ಮೃತಿ ಇರಾನಿ ಇಂದು ಕ್ಷೇತ್ರದಲ್ಲಿ ಮಾಡಿದ ಕೆಲಸ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.

ಸ್ಮೃತಿ ಇರಾನಿಅಮೇಠಿಯ ಪುರಬ್​ ದ್ವಾರ ಗ್ರಾಮದಲ್ಲಿ ಪ್ರಚಾರಕ್ಕೆಂದು ಸ್ಮೃತಿ ಬಂದಿದ್ದ ವೇಳೆ ಅಲ್ಲಿ ಬೆಂಕಿ ಅವಘಡವೊಂದು ಸಂಭವಿಸಿತ್ತು. ಈ ಸುದ್ದಿ ಕೇಳಿದ ತಕ್ಷಣ ಪ್ರಚಾರ ಬಿಟ್ಟು ಸ್ಥಳಕ್ಕೆ ಧಾವಿಸಿದ ಸ್ಮೃತಿ ಸ್ವತಃ ತಾವೇ ಬೋರ್​​ ಹೊಡೆದು, ಬೆಂಕಿ ನಂದಿಸಲು ಜನರಿಗೆ ನೀರು ಒದಿಗಿಸಲು ನೆರವಾದರು. ಅಗ್ನಿಶಾಮಕ ದಳದವರು ಸರಿಯಾದ ಸಮಯಕ್ಕೆ ಬಾರದ ಕಾರಣ ಸ್ಮೃತಿ ಸ್ವತಃ ತಾವೇ ಬೆಂಕಿ ನಂದಿಸಲು ಮುಂದಾದರು.

ಗೋಧಿ ಬೆಳೆಯಿದ್ದ ಭೂಮಿಯಲ್ಲಿ ಕಾಣಿಸಿಕೊಂಡ ಬೆಂಕಿ ಆನಂತರ ಪಕ್ಕದ ಹೊಲಗಳಿಗೂ ಹಬ್ಬಿತ್ತು. ಆನಂತರ ಅಲ್ಲಿಂದ ಬೆಂಕಿ ಅನಾಹುತದಲ್ಲಿ ನಷ್ಟವನ್ನನುಭವಿಸಿದ ಮಹಿಳೆ ಕಷ್ಟ ಆಲಿಸಿ, ಸಾಂತ್ವನವನ್ನೂ ಹೇಳಿದರು.